Anam na Teanga Géarscagadh ar Ghlac Gearrscéalta

'Is í an litríocht anam na Teanga, a scríobh Seosamh Mac Grianna, agus sa leabhar seo tá deich gcinn de na gearrscéalta is anamúla agus is bíogúla dár scríobhadh sa Ghaeilge riamh. Tá na mór-údar ann – Liam Ó Flaithearta, Pádraic Ó Conaire, Pádraig mac Piarais-agus údair nach bhfuil an aithne chéanna orthu, b’fhéidir – Peigí Rose, Fionntán De Brún, Annraoi Ó Liatháín. Meascán den sean agus den nua, den traidisiún agus den nuálíocht, den tallan, den chruthaitheacht agus den chumas atá sa chnuasach seo a chuirfidh iontas ar dhaoine, a spreagfaidh caint ina measc agus, b’fhéidir, a tharraingeoidh raic eatarthu. Sa leabhar freisin tá cabhair ar fáil do na léitheoirí siúd nár mhiste leo faobhar a chur ar a scian chriticúil leis na nótaí cuimsitheacha ata curtha i dtoll a chéile ag an bhfear eagair.