Níl táirgí sa chiseán agat
Sa leabhar seo, déantar cur síos ar na nósanna a bhain le laethanta áirithe den bhliain – Lá Fhéile Bríde, Bealtaine, Lá an Dreoilín, agus mar sin de – agus bailiúchán béaloidis a bhailigh páistí scoile in Éirinn i dtríochaidí na haoise seo caite (Bailiúchán na Scol) mar phríomhfhoinse sa tráchtaireacht sin. Clúdaítear féilte agus pátrúin áitiúla mar aon le scéalta naomhsheanchais agus toibreacha beannaithe ó gach cearn den tír. Tá roinnt mhaith grianghraf de na toibreacha céanna ann fosta mar aon le léarscáileanna dáiliúcháin de na turais a dhéantaí ar na féilte móra. Tá an t-ábhar seo ar fad á chur ar fáil den chéad uair riamh in aon leabhar amháin agus tús áite ag togha scéalta agus cuntas na bpáistí agus a bhfaisnéiseoirí.
